金毛：唔好不過啦。如果有任何人從你度聽到半句風聲，我就你；我金毛

        講得出做得到。

 

高魯泉：好好好，我粒聲都唔出，咁得啦呱？

 

金毛：算你知機，而今躝屍趷路啦。

 

高魯泉：嘩，你今日好似食火葯咁。你連我入去夢龍山莊一都唔畀呀﹖

 

金毛：小你，冇得傾。即刻誃﹗

 

高魯泉：好好好，我誃我誃。(高下)

 

金毛：(獨白)我一定要查明查白。我而今就撲去荒野搵舊主人，搵到話，就留低同佢共阿劍一齊釣魚打獵，唔會再返。相信今日未過之前一天都會光哂，大團圓結局。古夢龍，我哋永遠都唔會再見啦。(下。)


 

第二幕  

第一場

 (木林區。古劍寒牛郎打扮上，身邊帶住個布袋同號角。) 

古劍寒：（獨白）我搏命衝出樹林就係想搵呢個平原。重以為個平原無窮無盡添，不過至少可以度抖啖氣，畀額頭涼，原來呢度雖然陽光普照但係點都冇樹林入面咁熱。太陽啊太陽，快轆落西山啦！我牛靠你火同影計時。影由西扭到東，而你就從東北走到落西北，天空劃個弧形。燦爛火焰，金黃光輝……古劍寒！你係咪衰到要做牛郎呀？冇錯，但你雖然怒火中燒，都依然可以笑傲江湖。咪住，日影去邊？唔，正中，牛郎應該要食晏啦。我會食，但係一路渺咀一路食。睇牛郎有乜做午餐先得。（布袋入面拎出隻饅頭。）個面就幾滑，但我敢打賭入面重嚡過樹皮。（用刀仔切開饅頭。）哎，切到乜呀？佢我個饅頭入面放塊石頭，切崩我把刀，把刀阿爹留畀我。八婆，你做得好事，梗係報復我禽晚串你；邊個踩我，我就鬧臭邊個。（抌個饅頭。）你咁樣整我唔死，但係你心地唔好，我一定會雙倍奉還。牛郎即將變成自己牛星：你唔會再見返你牛，姚夫人。（將布袋抌入樹林。）我看夠牛啦，我霹炮。長長日頭而今歸心似箭，好快鍾落西山。北姑，你詭計令到我離開平靜心態，進入狂雷同暴雨；天黑之前你牛會死哂，你間屋會燒到變炭。我本來就想玉石俱焚，千祈唔好畀佢停。我如果識得法術話，一定會叫齊方圓百里之內毒蛇猛獸，為佢預備一圍盛宴。（紅花鬼母上。）你係邊個呀？塊面鬼五馬六咁？



 

 

紅花鬼母：我係幫你達成願望。

 

古劍寒：乜願望？

 

鬼母：搵毒蛇猛獸囉。

 古劍寒：搵做乜？