古夢龍：想當年我手足相殘，連場血戰，點都唔放過對方，而今諗返上，真係希望歷史可以改寫。但係聽埋我個夢點收科先：我記起大佬命運之後，乜興緻都冇哂，於是望出窗外水平線，只見恐怖風暴緊，東方烏雲蓋天，成個天都黑哂。我知道不妙，果然個風好快打到。忽然間，我間山莊著火，火勢狷窿狷罅，逼到我走投無路；原來係古劍寒傑作。我大嗌救命，佢就嘶啞狂笑，將個火愈潑愈行，直至我個個陷入火網為止。古國華同佢老婆亦都從陰間上返，畀火海包圍，攪到對翼都燒埋。最後我所有人，連埋古劍寒，都上天下地煙火旋渦之中打轉。轟隆一聲，黑雲從東面捲到埋，帶頭一陣狂風將我逼到懸崖，吹落萬丈深淵，跟住我就醒。呢個就係我個夢啦。一諗起古劍寒，就會記返呢個夢。上次支下下簽都話佢會殺死我。

 

古夢龍妻：先下手為強，後下手遭殃，呢個就係個夢訊息。古劍寒生死根本就掌握你手。

 古夢龍：其實你都知唔係啦。你唔記得啦，咁多年，我試過殺佢咁多次，

有邊次成功？細路仔唔識施法術，但係你同我就親眼睇見佢百毒不侵，金剛不壞。我冇法子唔信佢天生命硬，如果我又試郁佢，我怕個天唔會放過我。個解簽佬都警告我啦。

 

古夢龍妻：點解個天要幫住個賤種。

 

古夢龍：收聲啦！我唔可以再度橋害佢啦；由得佢自生自滅罷喇。咦，邊個上緊呢？

 

古夢龍：行路姿勢好似阿姚鐵心，虎背熊腰，頭髮又長又密。冇錯，真係磨劍山莊莊主。

 

古夢龍妻：惡爺到，我都係返去執下先得。

 古夢龍：我古夢龍咁乞人憎，佢又想點呀？（姚鐵心上）姚兄大駕光臨，小弟有

失遠迎，望求恕罪。乜風將磨劍山莊主人吹到寒舍呀？係靡想山林沼澤之間搵返原料鑄劍呢？

 

姚鐵心：你估得冇錯，但係我搵唔到使，而今返緊屋企。

 

古夢龍：返去慰妻哩？鬼咩，亞嫂係遠近聞名北地胭脂。

 


姚鐵心：我而今返去，心情都好愉快。

 

古夢龍：你梗係想佢幫你生個乖仔，有日同你一齊磨劍，上陣不離父子兵啦喂。

 

姚鐵心：承你貴言。

 

古夢龍：但係個天都重未賜我後代。

  

姚鐵心：個天靡畀個你囉，你大佬個仔呀，你親手養大。

 

古夢龍：乜話？當個馬騮係親生仔？佢係我掃把星就真。佢目中無人，唔會聽任何人指；佢力大無窮，冇人可以笑佢。只怪我一念之仁，冇斬草除根，而今已經唔可以再開殺戒。

 

 姚鐵心：既然佢咁扌豖眼扌豖鼻，點解你唔趕走佢呢？賣畀我？我

                 要個人看 牛，佢就哂。