凌晨四点，多得舊殖民皇后碼頭屋簷庇蔭，炎夏晚风徐來，夜涼如水，明月相伴，

大家都沉沉睡去，

心諗差佬此時不踩場還待何時？

碼頭却仍將拆而不拆，

香港仍將亡而未亡，

其實只要十萬八萬人瞓正碼頭前面，

煲呔曾必不敢拆碼頭，

可惜港人西化仍未靠，

太多人仍然淨係識得揾錢，

對本土身份／保育文物／公民權利關注不足.

不過，有咩所謂，

大家都係 world citizen,

邦襯乜泉航空二千文就可以去倫敦，

歐洲古蹟随街都係，重多過七十一，

皇后碼頭拆咗，羅浮宮萬古长存，

天星钟樓拆咗，倫敦大笨钟安然無礙，

太湖污染咗，芬蘭重有十八萬个清澈玉湖

四合院拆哂，京都清水寺照舊清幽….