Chapman Chen

湖海恩仇錄（粵）十之賊牛仔

chapmanhk — Tue, 09 Oct 2007 17:01:31 +0800

第二場（磨劍山莊出便，台左；台後展示一片湖光山色。姚妻從屋內上。）

姚妻：（獨白）黃昏咯；棵杉樹都黑哂，山上棵松樹灰灰暗暗，十足黑羅剎咁；天陰陰，係牛郎都知要返歸喇。但係我牛郎今日去邊呢？而今應該聽見佢樹林邊吹響號角，同埋牛鈴叮叮噹噹聲咯噃。（有個妹仔從台左上。）天黑咯，重未見牛。

妹仔：今日成日都烏雲密佈，或者牛郎分唔到日頭同夜晚呢。

姚妻：可能佢唔忿氣第一日幫我看牛就畀我整蠱，佢饅頭入面放石頭。

妹仔：佢咁口臭，都抵死啦。咦，個靡高魯泉？（高魯泉上，台右。）

高魯泉：姚夫人，我北方大美人，你好呀！

姚妻：你由樹林返嚟，有冇見到我啲牛同埋個牛郎古劍寒呀？

高魯泉：個牛郎重狼過華秀隻狗。佢好似同樹林啲野獸夾埋劏哂你啲牛。

姚妻：死火，高魯泉，你講到好似好大鑊咁噃。

高魯泉：直頭杰達達呀。

姚妻：你見到乜呀？

高魯泉：啲狼生吞你啲寶貝牛囉。

姚妻：喂，呢啲嘢唔講得笑嘅噃。

高魯泉：好快你就知我唔係講笑㗎啦。你見啦，天黑啦，雖然重有太陽，但係好快就會落山，而你啲牛連影都重未見。

姚妻：唔通你講嘅係真嘅？求神庇佑！你係咪話我啲牛畀狼吞哂。

高魯泉：一隻都冇得剩吖。

妹仔：但係當時個牛郎在場嘅，係唔係？啲狼襲擊啲牛個陣，佢究竟响邊？

高魯泉：咩企响附近繑埋手，陰陰咀笑囉。如果當時佢肯同我一齊去救啲牛嘅話，而今應該重有好多隻條尾揈揈吓。條木咀郁都唔郁，剩係响度冷笑我講嘅每一句說話。個班野獸多到數唔哂，我唔夠膽一個人行埋去，唯有企响旁邊睇住啲牛畀佢撕成碎片。我嬲起上嚟咩擘大喉嚨媽叉佢祖宗十八代，重想迫佢出手，好在及時發現佢好打過我幾十倍。講你都唔信吖，佢一嘢將具大石舉過頭，真係過哂頭，然之後兜頭兜面向我掟埋嚟，好在我走得快咋，如果唔係呀……

姚妻：咁我啲牛即係冇哂啦，係唔係呀？

高魯泉：又難怪你咁㷫，咁大堆牛全部死清光喎; 冇計啦。

妹仔：喺邊度發生嘅呢？

高魯泉：距離呢度至少有九里路，就响草原嗰度。

姚妻：佢一定好嬲先至會趕到啲牛咁遠。

妹仔：如果你講詒話，你就——-

高魯泉：如果我有半句詒話，就請莊主用佢嘅大鎚撘扁我個頭。(古劍寒把聲由右邊傳來。)牛郎返嚟啦，但係啲牛呢？

姚妻：衰人，我啲牛呢？我啲牛去咗邊呀？(向右衝過去)

高魯泉：夫人，做吓好心，千祈咪爆我出嚟呀，如果唔係，佢實攞我命啫。大姐仔，你都係呀，千祈咪咪話係我㧻佢背脊嘅，佢唔係人咁品㗎，郁一隻手指咋，就可以擳死你同埋我啦。佢嚟喇，等我匿埋先。

妹仔：高魯泉，你都算勇囉！

高魯泉：照我講去做啦，妹！千祈咪爆響口吖！（下，台左。古劍寒同姚妻上，台右。）

古劍寒：掂哂。

姚妻：我啲牛去咗邊？你好講囉喎！

古劍寒：响樹林入面漫遊緊，不過唔係用自己隻腳啫。

姚妻：咪轉彎抺角喇！

妹仔：你梗係好耐未試過籐條炆豬肉定呢！

姚妻：我啲寶貝乳牛呢？

古劍寒：畀啲狼用個肚載住週圍走，車費全免。

姚妻：佢哋死咗？！

古劍寒：一隻不漏。

姚妻：賊牛郎！

廣東話好優雅

chapmanhk — Tue, 09 Oct 2007 16:50:56 +0800

廣東話好優雅[1] 曾焯文博士

好多人以為廣東話係俗語，難登大雅之堂，小弟編是書正係為徂[2]說明香港廣東話歷史悠久，凝聚中西文化精萃，而今不單止受到歧視，重面臨滅絶危機，故此值得發揚推廣。

香港廣東話值得保存推廣，原因有四：

廣東話好優雅[1] 曾焯文博士

香港廣東話值得保存推廣，原因有四：

一、據網上版大英百科全書，世界各地用廣東話之人總共有七千五百萬，數量驚人，重多過好多歐洲國家嘅人口。

二、本港廣東話係中國同西方接觸最多忌[3]話，自十九世紀以來，吸收徂唔少英語文化，例如「科文」（foreman），而今好多香港人都唔知係外來話。

三、廣東話保留古音古字古文化，自秦始皇時代經巳有人講，歷史耐過普通話不知幾多。例如「諗計」之「諗」字早見於詩經〈小雅．四牡〉：「豈不懷歸，是用作歌，將母來諗。」又如「後生」崽就曾出自孔子之口：「後生可畏」。

四、廣東話有好多優美文學作品，例如十九世紀招子庸＜粵謳＞温文淒美；上世紀五十年代唐滌生〈帝女花〉盪氣迴腸，直追莎翁《羅密歐與茱麗葉》，張五常教授（二零零三）亦認為唐滌生應得諾貝爾文學獎。

正如要學好英文不必犧牲中文，學好普通話根本毋須壓抑廣東話。本港學生學英文同普通話最大問題係毋[4]真實環境用有關語言。本港廣東先生叫廣東學生背英文生字或者漢語拼音並非真實語言環境。要學好某種話至有効方法係同用箇種話忌人向[5]日常生活中多多來往溝通。筆者本人有香港政府所頒英文普通話傳譯許可證，但毋上過一日普通話堂，筆者之普通話係同北京或者台灣學者交流學返來忌。

再者，用普通語學同提高中文水準並無必然關係。中國三千年來都係用方言教學。魯迅用紹興話學中文，孫中山用廣東話學中文，毛澤東用湖南話學中文，渠等[6]的書面中文都不見得差。而今下絶大部份語文教學專家都認為母語教學至好，例如港大教育系David Watkins教授（二零零一）同港大課程發展主任Amy徐教授（二零零零）都認為粵語最有利本港學生學習同思考。

廣東話同普通話互相不相容之謬誤觀念會危及本港粵語地位同文化身份。據香港理工大學及中文中學雙語學系Robert Bauer（包睿舜）敎授（二零零二）預測：普通話成為教學語言後幾十年間，香港學生用粵語正式學讀書面漢語之傳統將失，粵文書刊出版將會萎縮，後生崽女將以粵語為恥，淨匚[7]屋企同老人家講，好似而今廣州恁，而九七後大陸人不斷湧入香港，更會化廣東話做本港少數派語言，到本世紀末，下世紀初，粵語甚至有絶種危機。

據海德格（Martin Heideggar）（一九六二）指出，母語係人類存在模式，港人毋徂粵語即喪失文化身份，百年基業毁於一旦。本人故編是書，希望抛磚引玉，引起大家注意保存香港優雅粵語文化。

謹此多謝新城娛樂台同博益出版社出版本書。其中林柏希先生同本人合作主持電台節目〈開心廣府話〉乃本書縁起；而蘆蘆小姐就負責製作；又同細蚊小姐將有關節目內容抄寫，每節加上得意梆子，渠等好好人，好有耐性。本書內文原本全用書面粵語出之，今由於出版社方針而改為文白粵交融。

書目

Bauer, Robert S, “Hong Kong Cantonese and the Road Ahead.” David C.S. Li, Angel Lin, and Wai King Tsang, eds. Language and Education in Postcolonial Hong Kong. Hong Kong : Linguistic Society of Hong Kong, 2000. 35 – 36

Grimes, B.F., ed. Ethnologue : Language of the World. Dallas, Texas: Summer Institute of Linguistics, 1992.

Norman, J. Chinese. Cambridge University Press 1988

[1] 〈開心廣府話〉序。曾焯文。〈開心廣府話〉。香港：SCMP，二零零四。i-ii。

[2] 「咗」（了）本字。

[3] 「嘅」（的）本字。

[4] 「冇」（沒有）本字。

[5] 「响」（在）本字。

[6] 「佢哋」（他們）本字。

[7] 「喺」（在）本字。

賊仔難過阿婆關 -- 劇本搞嘢圍讀

chapmanhk — Wed, 03 Oct 2007 13:41:38 +0800

http://www.club-o.org/newsletter/CO031/saturday.php

十月六號賊仔難過阿婆關譯編導主演搞嘢：曾焯文

雙失青年怎樣因緣際會同阿婆結為死黨鴛鴦呢？

翻譯家曾博士最近將芬蘭當代名劇Olga譯成廣東話出版，在這個不平凡的下午殺到一向平靜懵懂的Club O，為您引爆非一般的笑彈，

輕鬆核突抵死淒涼激情地刻劃諷刺此時此地瘋瘋癲癲的人間天堂與地獄（由您決定）——獨居老人、邊緣青年、環保、保育、女權、xyz。同場加設圍讀試演，人人有戲！

星期六Club O——4:00-5:30

主持：周兆祥、廖崇興

享受更自然、自在、自足的人生，由這個茶座開始

電話 : 2619 0000
傳真： 2619 0600
電郵： info@Club-O.org
本會地址：旺角亞皆老街80-86號昌明大廈7字樓G室
（地鐵旺角站，D3出口）（由黑布街入）

賊仔難過阿婆關 – 至奇離之愛情故事

chapmanhk — Wed, 03 Oct 2007 13:36:14 +0800

賊仔難過阿婆關（曾焯文譯，國际演艺評論家協会[香港]本年出版）–

至離奇忌愛情故事，固執硬淨阿婆歐嘉慧同危險冷面後生崽阿朗惺惺相惜，生死不渝，全劇歌頌愛同美之救贖力量，肯定生命，劇力萬鈞。

芬蘭人口只有五百萬，但係就創造出舉世矚目之奇蹟，仿似廿年前之香港。譬如：據世界經濟論壇調查所得，芬蘭全球競爭能力連續四年排行榜首，超逾美國；經濟合作發展組織舉辦之國際學生能力評量（PISA），多次將芬蘭學生評為第一。

芬蘭有好多偉大作家同作品，尤其是劇本，向中國鮮為人知。

曾焯文零五年出版之《湖海恩仇錄》（Aleksis Kivi 原著），係有史以來第一本譯成國粵語忌芬蘭劇本；《賊仔》係第二本粵譯芬劇。

原作者羅浩蘭（Laura Ruohonen）（一九六零至）乃係當今芬蘭頂尖劇作家，先後于赫爾辛基大學修讀生物學，及芬蘭戲劇學院研習編劇。擅寫悲喜劇，探討人情及自由與責任問題。對白人物生動原創，大自然意象充滿詩意，又富環保意識。作品裴聲國際，逕譯成十種語言，向不少國際大都會上演過。

例如《賊仔難過阿婆關》（Olga）曾于愛尔蘭、愛丁堡、立陶宛公演；《Ｋ皇后》曾于倫敦、格拉斯哥、斯德哥爾摩公演。

譯者曾焯文，文學博士，翻譯碩士，英文學士，于港、臺各所大學教授筆譯、口譯、比較文學凡十年。前此任職司法部法庭傳譯主任近九年。曾發表學術論文二十篇、專書五本、譯作六份。

劇情指賊崽闖入獨居阿婆屋里，俾阿婆捉住，要渠坐低飲杯咖啡，然之後質問渠怎解要浪費生命。兩人爭論好多問題，包括環保、女性主義、美學、保育、歷史人物功過等等。不時一齊冒險，逐漸竟成死黨。有次賊崽為徂同阿婆出頭，慘遭槍傷，重要拘捕檢控。賊崽上庭前，同阿婆亙訴心中情，阿婆最後孤獨死去。

《賊仔難過阿婆關》主題尤其切合香港，劇中處理獨居老人問題、過速現代化後遺症以及阿婆同邊緣青年忘年戀。皆因全港共有十二萬超過六十歲獨居老人，而好多古雅建築同文化都因發展之名而拆毀，例如近年港府不理市民反對，相繼消滅見証本港數十載光輝歲月之天星碼頭同皇后碼頭，争尐連京華春夢景賢里都拆埋。

另一方面，老婦邊緣青年忘年戀向中西劇場皆屬罕見，本劇探索極其深入，肯定值得香港及內地人仕閱讀同演出。

浸大教授兼導演盧偉力認為「曾焯文翻譯芬蘭戲劇文化價值無可置疑，也是對香港本土文化的肯定。」

湖海恩仇錄（粵）九之高魯泉

chapmanhk — Fri, 31 Aug 2007 19:15:12 +0800

鬼母：你靡撩起我把火！

何仙姑：未驚過。

古劍寒：你唔好再嘈啦。（對鬼母講）我信你，何仙姑你請便啦。

何仙姑：為你自己幸福，你必須盡快向東北行，直至去到個莫明湖。你父母就住度。

古劍寒：姑娘應該知道佢化灰都經已數十個寒暑，此時此刻正在陰司路上遊蕩。

何仙姑：錯，佢同我一樣享受緊陽光，佢就住莫明湖旁邊間木屋，周圍有松樹。

古劍寒：都話佢一早畀人燒成灰咯，你聽唔聽到呀？

何仙姑：佢其實走甩，住荒郊野嶺冇人知唧。

古劍寒：家鏟！真唔真呀？佢重在生？唔理得咁多啦；我唔想知。呢個地方唔會再見天日，淨係想烏天黑地，狂雷暴雨，報仇雪恨，血流成河；而我就會落草為寇。走啦，妹，靡再講古阻住我報仇；上路啦，詒話精，得個樣！

何仙姑：好，我誃，帶埋你幸福誃。因住上天唔放過你呀，狂人！（下。）

古劍寒：躝，滿天神佛通通同我躝！等我晚黑一個人田度遊蕩，好似貓頭鷹一樣。（對鬼母話）你度等咩？開工啦。

鬼母：咁你睇住咯︰具雲遮住太陽之前，姚鐵心牛就會死清光。

古劍寒：（獨白）點解我心重係分開兩橛，有兩把唔同聲音？唏！從今

以後，我淨係會聽憤怒聲音，復仇細語。我決定唔住茅屋，一個人去樹林生活，熊熊營火就係我唯一朋友。滿地風霜，晚星閃爍時候，營火會同我好似兄弟一樣揸手。等我住樹林度；我巢穴大地懷抱深處，我杉樹下營火會保護我渡過寒冬。由而今開始我就住度，我再平原出現時候，度人就會顫抖。（高魯泉衝入。）

彈四？

高魯泉：你係靡看呢批牛人？

古劍寒：以前係，不過放棄。

高魯泉：你畀邊個？

古劍寒：紅花鬼母咯。

高魯泉：靡玩啦。批牛係姚鐵心，我肯定，而你就係佢個牛郎，你見到猛獸將牛撕成碎片，居然唔撲埋去搶救。喂，老友，你點可以企度，若無其事咁？

古劍寒：我度參禪。

高魯泉：你「參」禪但係姚鐵心就損失「慘」重。

古劍寒：有失先有得。

高魯泉：你黐線呀？快同我一齊趕走野獸啦；佢咁多隻，我一個人唔夠膽埋去。睇隻狼點樣咬住隻牛條頸，，隻牛跌落地。

古劍寒：我如果再看牛，就知點樣防止呢事發生。

高魯泉：點防呀？

古劍寒：唔畀狼咬牛頸咯。

高魯泉：咁點解你而今唔做呢？

古劍寒：我要睇埋成場表演先，場面幾墟呀。聽咆哮聲，尖叫聲同喘氣聲！

高魯泉：你中意？

古劍寒：衷心欣賞，，你係乜水呀？做乜事度彈三？

高魯泉：我叫高魯泉。

古劍寒：幸會，高佬，但係你五短身材，似武大郎多喎。

高魯泉：名死鬼老豆改，關我咩事喎。我打野味，同你一樣咁勤力。

古劍寒：咁快去檢查你陷阱同獵網啦，唔好騷擾我同我牛。

高魯泉：你而今一隻牛都冇剩呀，重學人看牛！

古劍寒：躝呀！

高魯泉：我會誃。但係你唔會趁我轉身捅我一刀，報復我話你嘛？我都係一片好心。

古劍寒：你一片好心！唔想死話，就即刻走！

高魯泉：唔想死？你咩意思呀，古少俠？（暗道。）咦，佢塊面黑哂喎，睇怕好快就會郁我。（大聲道。）我頭先鬧你，你唔會㓤我背脊？

古劍寒：畀你激死。

高魯泉：聽住呀，老友。你老豆老母未死，而今住荒野度。呢件千真萬確，但係千祈唔好同金毛講話係我話你知噃。

古劍寒：躝！（舉起具大石掟向高魯泉，高走夾唔抖。）走遲半步都笮死你。而今返去姚鐵心度攪掂埋今日單，跟住搵古夢龍報仇。（下。）

湖海恩仇錄（粵）八之萬佛朝中

chapmanhk — Wed, 29 Aug 2007 21:20:18 +0800

鬼母：要牲畜屍骸堆積如山，要個叫石頭做饅頭女人知錯。

古劍寒：你似乎有喎。你邊度，叫乜名，做乜？

鬼母：我叫紅花鬼母，住山旮旯，專門害人。得到妖魔鬼怪幫手，法力無邊。

古劍寒：你係幽冥派人？

鬼母：星宿老怪丁春秋就係我外公。

古劍寒：唔怪得你道行咁高深啦。唔該你盡量叫齊成個樹林毒蛇猛獸，到食哂我牛！

鬼母：我會啦。但係點解唔去到盡呢？跟我講：我發誓要剷除姚鐵心全家！

古劍寒：我點解要聽你點，八婆？其實我都已經決定要燒磨劍山莊啦。我今晚就郁手，但係重唔想見血住。（何仙姑從台左上。）邊個？你係何方神聖？面容又會咁慈祥，笑得咁甜？唔值得呢，信我啦，靚女，真係唔值得呢，呢個世界咁殘忍，凡係有腦人都媽媽聲啦。

何仙姑：世間本來就係平安，你就係平安。

鬼母：你靡上佢當呀。佢表面不吃人間煙火，其實專門啗人。叫佢誃罷啦。

古劍寒：我有分數。紅花鬼母，你靡以為可以控制到我呀，我唔會擦你鞋。（對

何仙姑講）但係你迷唔到我，靚女，你最好就過主；咪住，你係邊個，做咩？

何仙姑：我叫何仙姑，林中修鍊天人合一之術。遇到迷途羔羊，就指點佢

迷津；遇到落魄之人，就撫慰佢心靈。

古劍寒：姑娘真係世外高人。

鬼母：佢耍你咋。

何仙姑：古劍寒，你始終有日會撥開雲霧見青天；而今請你稍安毋燥，聽我講。

古劍寒：仙姑，你得太遲啦，太遲啦。

何仙姑：有心唔怕遲。幾時你聽見天邊畫眉叫，就要留心，個係訊號。

鬼母：幾時你聽見天邊麻鷹叫，就要留心，個先至係訊號。

仙姑：我唔識麻鷹叫乜，但隻畫眉就話古劍寒會再度吉星高照。

鬼母：我唔識畫眉叫乜，但隻黑鷹就話古劍寒變到好似雪咁白時候就有運行。

古劍寒：測得好，紅花鬼母。

何仙姑：古劍寒，你父母佢重在生。

鬼母：講詒話。

古劍寒：神棍。

何仙姑：毒婦，你靡度煽風點火。

鬼母：我講事實唧，至憎人花言巧語冇句真。

何仙姑：我冇講詒話。

鬼母：你有，死妹丁，因住我使出如來神掌第九式，一嘢送你上西天！

湖海恩仇錄（國語）五之七寶樓臺

chapmanhk — Mon, 27 Aug 2007 19:54:41 +0800

金毛：在樹林裡頭追牛。地下滿佈草菇，那些牛一見草菇就亂跑。

古劍寒：金毛你是個好人，不過侍奉我父親的時候就跟現在有些不同，那時你又粗魯又固執。

金毛：人長大了就自然會變，不過有些本性的東西就永遠一樣。

古劍寒：關於我父親，你記得些甚麼？

金毛：他脾氣火爆但是人好老實。

古劍寒：你剛才是不是拖魚網？

金毛：不是說過了嗎？我今天看牛嘛。喂，你的樣子好怕人喔：臉青口唇白，像透只僵屍；整天咬緊牙關，弄得青筋暴現。不要這麼嘛，無聲狗咬死人。

古劍寒：你猜還要多久才日落？

金毛：快了。如果你以為怨恨可以帶進棺材，那你就錯了。蒲松齡把地府寫成又有刀山，又有油鑊，好像真的一樣，但其實他只是編故事而已。

古劍寒：不知道。

金毛：人死如燈滅，這埸兄弟恩怨始終有天會煙消雲散，無影無踪。

古劍寒（突然長嘆）：他為啥不乘雙方都在生的時候和解呢？如果是這樣，很多東西都會不一樣。我們會開開心心住在國華山莊，四周給樹林擁抱，林中老虎咆哮，猴子交配。金毛，我們在那裡一定會很愉快。老天，求你大發慈悲，把法輪倒轉，回到我小時候在山頂的時代，但是讓我知道我現在知道的東西。爹爹跟叔叔和好如初，萬一再起紛爭，我會請孔夫子敲鐘奏樂，化干戈為玉帛，古國華與古夢龍兩家永世友好。十多年後，我得到爹爹真傳，練成絕世武功。我們齊心合力，打敗整天欺凌弱小，目中無人的北帝山莊。金毛，這樣才算得上頂天立地，不枉此生。看看現在的我：自卑自賤，落泊潦倒，枉自羨慕彼岸的七寶樓台，中間隔住不可能渡過的大海，結果只有望洋輕嘆。在這裡輾轉反側，餐風飲露。哎，我已經筋疲力盡，要睡上森林裡頭的青苔床褥，在夢中忘記一切。(古夢龍同姚鐵心從屋內上。)

古夢龍：古劍寒，我要你馬上離開夢龍山莊，跟姚莊主走，我已經把你賣了給他做奴僕，他想怎樣處置你也行。

姚鐵心：小子，我要你替我放牛，你老實點就沒事；但如果耍花樣，就會知錯。

古夢龍：從今以後，你雙漂亮的鞋子就要浸在沼澤裡頭，你整天搖來搖去的長頭髮就會給樹枝勾住。

古劍寒：我再見你的時候，會照樣搖頭甩髮。我的身價多少？